لاتقولون كلام وسخ

[المحتار]

بسم الله الرحمن الرحيم


السلام عليكم ورحمة الله وبركاته



لاتقولون كلام وسخ ...!!!


عجيبه من عجائب العالم المفروض أن تضاف للأهرامات ..وبرج (يبزا)..وباقي العجائب هي طريقه تربيه

الناس عندنا

لأطفالهم .......

الأم ..حبيبي الكذب حرام ..واللي يكذب الله يحطه بالنار ويصير صديق إبليس ...!!!

يدق التليفون ..

الولد..ماما هذي خاله نوره تبيك .

الأم.تأشر للولد قل لها (ماما نايمه)


البنت تصيح ماما شوفي نواف يقول لي ياحماره

الأم.. نواف ..ياكلب ياحمار لاتقول لأختك كلام وسخ ..والله لأعاقبك !!

توسع الأم صدرها بأنها تشغل أغاني وتخلي العيال يرقصون وإذا ودتهم تستعرض فيهم وهم حافظين

الأغاني ويرقصون عند الناس وإذا اكبروا ..وصار الولد .يرقم والبنت تدور على قصص الحب ..وما يحافظون

على الصلاة ونفسيتهم شينه ..قالت وراهم والله إني ماقصرت معهم بشي

وإذا الأم صارت تختلف مع زوجها قدام الأطفال وتطول لسانها عليه وممكن تسوى شي ماوافق عليه

كبروا عيالهم مايسمعون لأبوهم كلمه..قالت هي والابو وش صار لعيالنا والله ماكنا نبهذل أهلنا..


الأم تمدح الرسول وتقول للولد خليك مثله ..يدرس حديث ويعرف إن الرسول قاله ..لكن أمه وأبوه

يخالفونه ..


الأطفال قدام (سبيس توون) 24 ساعة وعند المسلسلات وتبيه يقتدى بالرسول والصحابة ؟!

وتبي تكون أخلاقه حلوه ..وهو مايعرف عنهم إلا اللي يدرسه ..وهو قدوته( بـــات مان و سبيدر مان و

أبطال الديجتال )..وتابعوا هالمسلسلات الكرتونية وشوفوا ..

أولآ...ولا بنت متسترة .

ثانياً..أشكال عجيبه شعر أخضر وموف ولبس يجيب المرض وشم واللي تبون..

ثالثاً..قصص الحب والمسخرة..والله مره شفت مشهد في

بات مان على قناة Arl teenz ..شلت القناة كله ..بس وين الأمهات واللي يتابعون وش يتفرجون عليه

الأطفال ..كونان من أشهر أفلام الكرتون وكل جرائمه تعتمد على مبدأ الانتقام


تتساهل الأمهات في مشاهدة الأطفال للمسلسلات والفديو كليبات بعذر إنه مايفهم لكن في الحقيقه

الطفل ذاكرته تصويرية ...تسجل الحدث ومجرد مايكبر ترجع له هالصوره ..ويفهم...ونقول ليش سلوكيات

أطفالنا كذا..

بصراحة الحديث عن هذا الموضوع يطول ولو نتكلم ليوم الدين ماخلصنا...اتمنئ أكون وصلت

الفكرة ..وتستفيد منها الأمهات وكل شي (يمدي)..والبنوتات والشباب اللي مثلنا يستفيدون مستقبلا..

[الكاسر]

المحتار

فعلاً كلا مك من ذهب

لا كن وين الي يستفيدو ويتعضو من هذا الموضوع

نعم اخي العزيز نربي في اطفالنا القيم والعاداد الطيبه وفي الاخر نهدمها بهذه المشا هدات الهدامه للأخلاق من افلام

الكرتون والمسلسلات والكلام الذي يصدر من الوالدين هداهم الله يجب ان ننتبه لهذا الموضوع

ونقدم لأ طفالنا ماهو جيد ومفيد لكي يكونو من افضل الناس خلق واحترامً لدى المجتمع

شكراً لك على هذا الطرح الجميل والمفيد

وتقبل تحيتي لك

[المحتار]

جزاك الله خير اخي الكاسر
ونحن نفدم هذه الموضوعات لكي يستفيدوا هؤلا الناس لتربية اطفالهم على الطريقة الصحيحة

[عذبـ الكلامـ]

بكل صراحة موضوع رائع جدا ولك كل الشكر على طرحة

وانا اطالب مثل الكشف الطبي قبل الزواج ان يلزموا العروسان بدورة
بفن الحياة الزوجية ودورة بتربية الاطفال