الحدب
12-04-2009, 01:18 AM
للشاعر الكبير / محمد بن سمير الحزيمي العتيبي
أخواني يسرني أن أضع بين أيديكم قصيدة اجتماعية قوية جداً تدور حول أوضاع أغلب الناس.
تناقش القصيدة كثير من الجوانب الاجتماعية
فلله در شاعرها
أرجو أن تحوز على رضاكم
يا بندر بن عجير شفـت الغرانيـق=اللي تحت ريش الغـراب محكومـه
طوّق عليهـا بالمخاليـب تطويـق=وامست تحت حكمه وتقضي لزومـه
سيطر عليها مالهـا عنـه تحليـق=تسيـدت لـه ليـن حقـق حلومـه
ليا كف عنها الريش تسمع غوانيـق=وإليا كفخ ريشـه تخامـر بلومَـه
فكرت أبنقذها ليـا هـي معاويـق=تطبعـت طبعـه وشالـت وسومـه
على شبيهه ياقـع الطيـر ويليـق=والصقر ما ياقـع مواقيـع بومـه
على الرداء والا النقاء بابهم ضيـق=أهل القلـوب الحاقـدات الضلومـه
خدوش الرخوم الخايبين المطافيـق=سود الوجيه من الجميـل محرومـه
ضعاف العقول تسوق الهرج تسويق=ما جالهم في العرف نظره وقومـه
لو جيت بعقود الذهب في الصناديـق=قالوا هذاه نحاس ما احـداً يسومـه
في معرفتهم نقص ما فيـه تبريـق=وألا سلاطيـن الرجـال محشـومـه
ترى البشوت اللي عليهـم خماليـق=ولا يرفع الرجـال سكبـة هدومـه
يجيك شكله من حـرار الشواهيـق=وإليا بحثته خرب فـي راس دومـه
تظهر نوايا الخدش من غير تحقيق=لو يبتسم بانـت بوجهـه رسومـه
جحـاد للمعـروف مالـه مواثيـق=من خيبته للنـاس بانـت علومـه
يعيش بأنـواع الحيـل والخنابيـق=وعن الخشونه يكتسـي بالنعومـه
كذاب ومنافـق ضعيـف المعاليـق=ولا خير في رجـل يعـادي لحومـه
هرجه اليا جينا يجي فيـه تشريـق=والله حسبيه في صلاتـه وصومـه
ومن فرق الأقراب بالكـذب تفريـق=الله يكـدر فـي حياتـه ونـومـه
لو يقصر الفنجال دونه ليـا سيـق=أخير من قولة هـلا فـي قدومـه
والجلسه اللي ما حضرها مطاليـق=ماهي من العيب الكبيـر معصومـه
ليا مرّها عقـب الحـرار المعاتيـق=يعاف منهـا وابعـد الحـر حومـه
تثر على الرجـال ويسـج ويفيـق=ويطري عليه أشياء ويرفع كمومـه
ليا حلل الأوضاع يلحـق ملاحيـق=خوفً من الله ثـم نظـام الحكومـه
الوقت ماهو هـات دلتـك وابريـق=الوقت فيه رمـوز داخـل رقومـه
والنير يبقى النير مـا شـد لطويـق=ولا شدد الخفجـي لـوادي تنومـه
والله فرق فالكون حتى الزماليـق=ريح النفل يفرق على ريـح ثومـه
ليا صار للشعار في الشعر تنسيـق=رفرف علمنا فوق عالـي رجومـه
اسمع كلام موثـق العلـم توثيـق=من شاعـر ثابـت بليلـه ويومـه
يبدي بقـافً مادخـل فيـه تلفيـق=وينطح نحر بحر القصيـد ويعومـه
وللخصم فنجاله معلقـم ليـا ذيـق=ثابت وتثبت حجته فـي الخصومـه
ويطبق الأحداث في القـاف تطبيـق=وأهل الخشوم أم العـرام مخزومـه
انشوّق السامـع للأبيات تشويـق=واليا انكمش راعي الحسد ما نلومه
يجيه ما جاء المعترض في المشانيق=يضرب به التيار واحـرق شحومـه
ينلاف منا لـوف نـار المحاريـق=لوف الهشيم اللي تلوفـه سمومـه
والموقف الغصاب ومنشـف الريـق=يطلع سلاطيـن الرجـال العزومـه
ناقف ونثبت فـي وجيـه العماليـق=ونحرق دفاع المعتدي مع هجومـه
إليا نشق البارود في الخشم تنشيـق=يخضع بأمر من سبحت له نجومـه
وانضيق الدنيا على الضد تضييـق=وترجع جيوشه والجموع مهزومـه
والبيت له حكمه ووقفه وترويـق=والمعذرة يا أهل العقـول الفهمومـه
انتم لجـزلات المعانـي عشاشيـق=وانا اعرف إن العرف للـي يرومـه
أبنذر الطقـاق شيـخ الطقاقيـق=اللي بدون شعـور ضيـع سلومـه
الأولة والثانيـة فـي سواحـيـق=وأربع طعش يم الجريـر معزومـه
البيـت غمقنـا معانيـه تغمـيـق=بنت الفرح فالطق جات مخدومـه
اضرب ثلاثـة فـي ثـلاث بتوفيـق=ومن بعدها تطلـع بإجـازة امومـه
أبطن سلاح وعشق الزنـد تعشيـق=والجعبة اللي في ظهـرك محزومـه
ادخل سبات الليل مع دقـة الميـق=مجبر وقلبك تشتعـل بـه همومـه
حنا على الوقفة وصعب الطواريـق=وقلوبنـا عنـد المواقـف جزومـه
والصح يبقى صح والكذب ما حيـق=ويطلع على راعيه عيشـة نقومـه
سيل السحاب ينطق الفـار تنطيـق=اليا أومى برمثه واستمر بطمومـه
وقام يتصلّـخ بالبـرد والصواعيـق=وصوت الرعد قامت تزايد رزومه
وفي منعطف واديه جالـه تصافيـق=جـرّاف والجيـلان فيـه مهدومـه
يابو شدوق فـي النمايـم مشاديـق=تقرع صحونك والقـدور مهشومـه
اشتل شبيهك بيـن حليـت وربيـق=والجمش دوّج في صياهـد حزومـه
اصرف ويصرف لك بحكي اللماصيق=والا النزاهه عن شنبـك معدومـه
لزق عليك استيكر الكـذب تلزيـق=وأسكت ولا كلمه وسبعيـن كومـه
شققت عنوانك من البـوك تشقيـق=واليوم صفحاتك عليـك محسومـه
ولولا ولولا كان امزقـك تمزيـق=بـس اترفـع والعلـوم معلـومـه
انا اختصرت وزبدة القـول تذويـق=والوقت ما هـم النشامـا رخومـه
اقصر لها وتواشق العـرق وتويـق= ومن جوّ تطلع جوّ صرماً صرومـه
قامت تفـك ابـواب بنـكِ مغاليـق=والطقس ساعدهـا ولبـد غيومـه
مثل الرصاص تخرّق الصدر تخريق=وأم الجرب فيهـا البـلا ومهيومـه
ووسقتها عن مدخل النقـد توسيـق=في قمة صعبه علـى كـل هومـه
تثلـج صـدورِ للمعانـي شفافيـق=طلع حليم من الغضب عن كضومـه
دق الجرس لإنـذار نـاس مدانيـق=قـدام نـار مـن جهنـم لهـومـه
الها شهيق تشهق الكـون تشهيـق=منها القلوب من النفـاق محمومـه
ماهو بشعر مطقق الهـرج تطقيـق=في مجتمع نـاسِ بليـا يمومـه
وانا على اللي يظلم الناس ماطيـق=ولا احب نـاس بالظلايـم جهومـه
تم الكلام وصـدق القـاف تصديـق=بختم الذي ترهـب عـدوه ختومـه
سبعين بيت ومبتداهـا علـى ايـق=تمت ونقفلها على ايق وعلى أومـه
الشاعر الكبير / محمد بن سمير الحزيمي العتيبي
تحياتي القلبية
أخواني يسرني أن أضع بين أيديكم قصيدة اجتماعية قوية جداً تدور حول أوضاع أغلب الناس.
تناقش القصيدة كثير من الجوانب الاجتماعية
فلله در شاعرها
أرجو أن تحوز على رضاكم
يا بندر بن عجير شفـت الغرانيـق=اللي تحت ريش الغـراب محكومـه
طوّق عليهـا بالمخاليـب تطويـق=وامست تحت حكمه وتقضي لزومـه
سيطر عليها مالهـا عنـه تحليـق=تسيـدت لـه ليـن حقـق حلومـه
ليا كف عنها الريش تسمع غوانيـق=وإليا كفخ ريشـه تخامـر بلومَـه
فكرت أبنقذها ليـا هـي معاويـق=تطبعـت طبعـه وشالـت وسومـه
على شبيهه ياقـع الطيـر ويليـق=والصقر ما ياقـع مواقيـع بومـه
على الرداء والا النقاء بابهم ضيـق=أهل القلـوب الحاقـدات الضلومـه
خدوش الرخوم الخايبين المطافيـق=سود الوجيه من الجميـل محرومـه
ضعاف العقول تسوق الهرج تسويق=ما جالهم في العرف نظره وقومـه
لو جيت بعقود الذهب في الصناديـق=قالوا هذاه نحاس ما احـداً يسومـه
في معرفتهم نقص ما فيـه تبريـق=وألا سلاطيـن الرجـال محشـومـه
ترى البشوت اللي عليهـم خماليـق=ولا يرفع الرجـال سكبـة هدومـه
يجيك شكله من حـرار الشواهيـق=وإليا بحثته خرب فـي راس دومـه
تظهر نوايا الخدش من غير تحقيق=لو يبتسم بانـت بوجهـه رسومـه
جحـاد للمعـروف مالـه مواثيـق=من خيبته للنـاس بانـت علومـه
يعيش بأنـواع الحيـل والخنابيـق=وعن الخشونه يكتسـي بالنعومـه
كذاب ومنافـق ضعيـف المعاليـق=ولا خير في رجـل يعـادي لحومـه
هرجه اليا جينا يجي فيـه تشريـق=والله حسبيه في صلاتـه وصومـه
ومن فرق الأقراب بالكـذب تفريـق=الله يكـدر فـي حياتـه ونـومـه
لو يقصر الفنجال دونه ليـا سيـق=أخير من قولة هـلا فـي قدومـه
والجلسه اللي ما حضرها مطاليـق=ماهي من العيب الكبيـر معصومـه
ليا مرّها عقـب الحـرار المعاتيـق=يعاف منهـا وابعـد الحـر حومـه
تثر على الرجـال ويسـج ويفيـق=ويطري عليه أشياء ويرفع كمومـه
ليا حلل الأوضاع يلحـق ملاحيـق=خوفً من الله ثـم نظـام الحكومـه
الوقت ماهو هـات دلتـك وابريـق=الوقت فيه رمـوز داخـل رقومـه
والنير يبقى النير مـا شـد لطويـق=ولا شدد الخفجـي لـوادي تنومـه
والله فرق فالكون حتى الزماليـق=ريح النفل يفرق على ريـح ثومـه
ليا صار للشعار في الشعر تنسيـق=رفرف علمنا فوق عالـي رجومـه
اسمع كلام موثـق العلـم توثيـق=من شاعـر ثابـت بليلـه ويومـه
يبدي بقـافً مادخـل فيـه تلفيـق=وينطح نحر بحر القصيـد ويعومـه
وللخصم فنجاله معلقـم ليـا ذيـق=ثابت وتثبت حجته فـي الخصومـه
ويطبق الأحداث في القـاف تطبيـق=وأهل الخشوم أم العـرام مخزومـه
انشوّق السامـع للأبيات تشويـق=واليا انكمش راعي الحسد ما نلومه
يجيه ما جاء المعترض في المشانيق=يضرب به التيار واحـرق شحومـه
ينلاف منا لـوف نـار المحاريـق=لوف الهشيم اللي تلوفـه سمومـه
والموقف الغصاب ومنشـف الريـق=يطلع سلاطيـن الرجـال العزومـه
ناقف ونثبت فـي وجيـه العماليـق=ونحرق دفاع المعتدي مع هجومـه
إليا نشق البارود في الخشم تنشيـق=يخضع بأمر من سبحت له نجومـه
وانضيق الدنيا على الضد تضييـق=وترجع جيوشه والجموع مهزومـه
والبيت له حكمه ووقفه وترويـق=والمعذرة يا أهل العقـول الفهمومـه
انتم لجـزلات المعانـي عشاشيـق=وانا اعرف إن العرف للـي يرومـه
أبنذر الطقـاق شيـخ الطقاقيـق=اللي بدون شعـور ضيـع سلومـه
الأولة والثانيـة فـي سواحـيـق=وأربع طعش يم الجريـر معزومـه
البيـت غمقنـا معانيـه تغمـيـق=بنت الفرح فالطق جات مخدومـه
اضرب ثلاثـة فـي ثـلاث بتوفيـق=ومن بعدها تطلـع بإجـازة امومـه
أبطن سلاح وعشق الزنـد تعشيـق=والجعبة اللي في ظهـرك محزومـه
ادخل سبات الليل مع دقـة الميـق=مجبر وقلبك تشتعـل بـه همومـه
حنا على الوقفة وصعب الطواريـق=وقلوبنـا عنـد المواقـف جزومـه
والصح يبقى صح والكذب ما حيـق=ويطلع على راعيه عيشـة نقومـه
سيل السحاب ينطق الفـار تنطيـق=اليا أومى برمثه واستمر بطمومـه
وقام يتصلّـخ بالبـرد والصواعيـق=وصوت الرعد قامت تزايد رزومه
وفي منعطف واديه جالـه تصافيـق=جـرّاف والجيـلان فيـه مهدومـه
يابو شدوق فـي النمايـم مشاديـق=تقرع صحونك والقـدور مهشومـه
اشتل شبيهك بيـن حليـت وربيـق=والجمش دوّج في صياهـد حزومـه
اصرف ويصرف لك بحكي اللماصيق=والا النزاهه عن شنبـك معدومـه
لزق عليك استيكر الكـذب تلزيـق=وأسكت ولا كلمه وسبعيـن كومـه
شققت عنوانك من البـوك تشقيـق=واليوم صفحاتك عليـك محسومـه
ولولا ولولا كان امزقـك تمزيـق=بـس اترفـع والعلـوم معلـومـه
انا اختصرت وزبدة القـول تذويـق=والوقت ما هـم النشامـا رخومـه
اقصر لها وتواشق العـرق وتويـق= ومن جوّ تطلع جوّ صرماً صرومـه
قامت تفـك ابـواب بنـكِ مغاليـق=والطقس ساعدهـا ولبـد غيومـه
مثل الرصاص تخرّق الصدر تخريق=وأم الجرب فيهـا البـلا ومهيومـه
ووسقتها عن مدخل النقـد توسيـق=في قمة صعبه علـى كـل هومـه
تثلـج صـدورِ للمعانـي شفافيـق=طلع حليم من الغضب عن كضومـه
دق الجرس لإنـذار نـاس مدانيـق=قـدام نـار مـن جهنـم لهـومـه
الها شهيق تشهق الكـون تشهيـق=منها القلوب من النفـاق محمومـه
ماهو بشعر مطقق الهـرج تطقيـق=في مجتمع نـاسِ بليـا يمومـه
وانا على اللي يظلم الناس ماطيـق=ولا احب نـاس بالظلايـم جهومـه
تم الكلام وصـدق القـاف تصديـق=بختم الذي ترهـب عـدوه ختومـه
سبعين بيت ومبتداهـا علـى ايـق=تمت ونقفلها على ايق وعلى أومـه
الشاعر الكبير / محمد بن سمير الحزيمي العتيبي
تحياتي القلبية