قصيدة المفخرة للشاعر مرزوق بن غازي

[بدر السلمي]

قصيدة للشاعر مرزوق بن غازي السلمي
في قبيلة بني سليم



يشوش الراس وأشعر بالفخر والمجد لي عنوان
ومن حق أي واحد يفتخـر بأصلـه وعنوانـه
أنا لي عزوة تاريخهـم دايـم رفيـع الشـان
ليـا قالـوا سليـم يشـرع التاريـخ بيبانـه
وأنا لن جيت ابتكلم عن ربوعـي كلامـي زان
عن السيرة عن الديرة والأسـم كيـف تبيانـه
أقول سليم بن منصور جده قيس بـن عيـلان
ابـن عدنـان واسماعيـل وابراهيـم جدانـه
واقول محافظتنا الكامل اللـي شامـخ البنيـان
بدعم من الحكومـة وإستقـروا فيـه سكانـه
وبذكر واديين مـن أوديتنـا واكبـر الوديـان
وأقول ستارة وساية سقاهـا الغيـث بأمزانـه
ومـن مكـة ليـا طيبـة منازلنـا لحـد الآن
وبيت العز ما تهتـز فـأرض العـز سيسانـه
ذكر ياقوت جزء من الخبر في معجـم البلـدان
حقايق واضحة ما هـي بسـر يجـوز كتمانـه
لنا حرة سليـم وحـرة النـار ولنـا جيـران
وناصـل للدفينـة والعـرب كـلاً ومسكـانـه
تجاورنا مزينة من شمال وغـرب والهـذلا ن
من الغرب وقبيلة حرب شرق الـدار واركانـه
ولا قالوا شمال وشرق قلـت تحدنـا غطفـان
وكـلاً محتمـي داره وحافـظ حـق جيرانـه
أقوله حسب ما جا فالكتب والعلـم لـه برهـان
وانا ما اقول علم إن كان ماحضـرت برهانـه
لنا ذروة سنام المجـد وهبـت ربنـا الرحمـن
وخير الناس حنا فـي نهـار الفتـح عوانـه
حضرنا فتح مكة بألف فارس داخـل الميـدان
لنا التاريخ يشهد والخبر وسط الكتـب عانـه
ويكفينا فخر قول الرسـول بماضـي الأزمـان
أنا ابن العواتك مـن سليـم ويصـدق لسانـه
وبذكر مختصر من سيرة الأبطـال والشجعـان
كلام يجبر اللـي يسمعـه يصغـي لـه أذانـه
صحابة تابعين قضـاة فرسانـاً لهـم سلطـان
أهل حكمة ومرجـع للغـة والشعـر وألحانـه
مواقفهم فخر والظفـر منجـا والكريـم معـان
ومن ضمن المواقف موقف من الصعب نسيانه
نهار أعلن عمر فأربع بـلاد وقـال فالأعـلان
على وال البلد يرسل رجل من خيـرة أعوانـه
وجوه من البلاد أربـع رجـالاً كلهـم سلمـان
بنى مجـد القبيلـة مجدهـم واعتـز بنيانـه
ومنا الترمذي والترمذي واحد مـن الشيخـان
من رواة الأحاديث الشريفـة صـدق وأمانـه
ومنا محمد إبن إسحاق والجحـاف والفرسـان
حكيم ومره وعتبه وعمرو وصخـر وأخوانـه
وبن فرقد وابن مسعود ومجالد وإبن عـزوان
وإبن عتبه وإبن مرداس والحجاج فـي شانـه
وزيد ونصر إبن حجاج وإبراهيم بـن حسـان
ومنا الورد إبن خالـد وإبـن خـازم وعمانـه
وقاضي قرطبة بن حفص والضحاك بن سفيان
وبن عمـار يشهـد لـه رسـول الله بايمانـه
وقايد جيش أبو جعفر نهار الحرب إبـن قنـان
وعمرو بن الشريد وقصته فالقصـر وإيوانـه
تكلم عند كسرى والخـر جالـه مـع النعمـان
وقال الكلمـة اللـي رجحـت بالحـق ميزانـه
ولا ننسى عمير بن الحباب ومن معه ما هـان
صعد سور حصن الـروم حتـى هـد جدرانـه
ونعرف صاحب الراية بيوم ارتـدوا العربـان
يزيـد وجيشـه اللـي رد للمرتـد عـدوانـه
ومنا شاعرة لا مـر طاريهـا علـى الأذهـان
فطاحلة الشعر تاقـف أمـام الشعـر عجزانـه
ومعاركنا بذاك الوقت يـوم الحـرب والأكـوان
كثيـره والمراجـع واجـده والكتـب مليانـه
ما تحصى لو اعدهـا ولا يكفـي لهـا ديـوان
لكن إليا احتمى وقـع القتـال وشـب نيرانـه
تفوز بغالبيتهـا سليـم إليـا التقـى الجمعـان
مثل يوم الكديد اللي قتـل بـه فـارس كنانـه
ومن أسما خيول سليم غبرا وعلـوة ودهمـان
والأعوج والمصبح واحتمى مرهـوب ميدانـه
اساميها كثيره لـو بعددهـا فـرس وحصـان
لكـن المختصـر كافـي وللميـدان فرسـانـه
ورايتنـا ترفـرف والعلـم تزهابـه الألـوان
عـن الأعـلام متميـز بتصميمـه وبألوانـه
لنا ماضي عريق ومجد بانينه علـى السيسـان
وحاضرنـا يشرفنـا وعـز الـراس بامتانـه
تعلمنـا وعلمنـا وعملنـا ندعمـه بإيـمـان
غمرنا ربنا مـن فضلـه المحمـود وإحسانـه
لنا مع دولة آل سعود موقـف ثابـت الأركـان
وعبد الله ولـي الأمـر والسلطـان سلطانـه
وولي العهد حام الحد وقت الحـرب والعـدوان
ونايف سيدي عينه على أمن الـدار سهرانـه
لهم منـا علـى سنـة رسـول الله والقـران
ولاء وطاعة وبيعة ما فيهـا نقـض وخيانـه
يقوله شاعـر قلبـه بحـب المملكـة مليـان
وحب سليم يجري مع دمه في وسـط شريانـه
يصوغ الشعر صوغ المحترف ويعدل الميـزان
كلامـه معتبـر حاميـه مـن زوده ونقصانـه
وفي كل القبايل نعـم وفعـول الرجـال تبـان
وكلاً له مـع التاريـخ فعـل ومركـز وخانـه
قبايلنا غدو بعد المعـارك والحـروب إخـوان
تحـت ظـل القيـادة بعـد ظـل الله سبحانـه
وصلوا عد ما لا حت بروق الغيـث فالأمـزان
على محمد عليه أفضل صـلاة الله ورضوانـه

[عذبـ الكلامـ]

المفخرة

معلقه تاريخية نادرة تحكي تاريخ بني سليم سطرها الشاعر الكبير مرزوق بن غازي السلمي والله انها من اندر القصايد المعاصرة اللي تحكي تاريخ بني سليم صح لسان ابن غازي على هذه المعلقه التاريخية

[رايح جاي]

ونعم ببني السليم والنعم بك يابدر السلمي وسليم قبيله عريقه

[الكاسر]

قصيده رائعه وشكراً لك على النقل

وصح لسان قائلها

وتقبل تحيتي لك

[صايل المطيري]

والله والنعم براعي القصيده وناقلها وبهلها..

لكن ياخوي يابدر وين جديد هذا الشاعر المبدع

ارجو تزويدنا بحكم انتمائك الى قبيلة هذا المبدع

تحياتي لك ولربعك

[برق الحيا]

صح لسان مرزوق الشاعر الكبير الذي لايشق له غبار
والنعم فيك يابدر والنعم بسليم القبيله العريقه
وننتظر جديدك بدر

[فتى الحجاز]

صح لسانك ولسان قائلها
والله هذي القصايد ولابلاش
بكل صراحه تستاهل قبيلة سليم وتستاهل اكثر من كذا
ومرزوق شاعر كبير ومبدع واتمنى منك ان تتحفنا بقصايده

[مستر كي]

صح اسنانك عفوا لسانك